24.02.2025 жылы «Russell Bedford» компаниясы (@rb_apartners) өкілдері мен «ЭҚТжҚКС» мектебінің студенттері арасында жұмысқа орналасу және мансаптық өсу тақырыбында кездесу өтті. Іс-шара ашық диалог форматында ұйымдастырылып, студенттер компания өкілдерінен еңбек нарығындағы талаптар мен кәсіби дамудың мүмкіндіктері туралы маңызды кеңестер алды.
Кездесу барысында «Russell Bedford» өкілдері қолжетімді вакансиялар, тағылымдамалар және жас мамандарға арналған бағдарламалар туралы ақпаратпен бөлісті. Сондай-ақ, табысты жұмысқа орналасу үшін қажетті негізгі дағдылар мен компаниядағы іріктеу ерекшеліктері талқыланды. Студенттер белсенділік танытып, мансаптық өсу, корпоративтік мәдениет және кәсіби дамуға қатысты сұрақтар қойды.
Іс-шара барысында түйіндеме дайындау және сұхбаттасуға дайындық бойынша практикалық кеңестер берілді. Бұл қатысушыларға жұмысқа орналасу мүмкіндіктерін арттыру және мансаптық мақсаттарына жету жолдарын жақсырақ түсінуге көмектесті.
