2026 жылғы 7 қазанда META University-де «Қытайлық серіктестермен мәдениетаралық коммуникация стратегиялары: теориядан практикалық іске асыруға дейін» тақырыбында қонақ дәрісі өтті.
Дәрісті Круглов Владислав Владиславович жүргізіп, студенттер мен профессор-оқытушылар құрамына қытайлық серіктестермен тиімді қарым-қатынас орнату, іскерлік коммуникация ерекшеліктері және халықаралық ынтымақтастықты дамыту бойынша тәжірибесімен бөлісті.
Кездесу аясында Владислав Владиславовичке кәсіби тәжірибесі мен практикалық білім беруді дамытуға қосқан үлесін бағалау мақсатында META University-дің профессор-практигі лауазымы берілді.
META University академиялық білім мен нақты кәсіби тәжірибені ұштастыра отырып, сарапшы-практиктермен ынтымақтастықты нығайтуға және студенттерді жаһандық еңбек нарығының талаптарына сай даярлауға басымдық береді.
