META University халықаралық IAAR сапаны қамтамасыз ету агенттігінің институционалдық аккредитациясынан сәтті өтті!

2026 жылдың 25–27 ақпаны аралығында META University-ге Тәуелсіз аккредиттеу және рейтинг агенттігінің (IAAR) сараптамалық комиссиясы жұмыс сапарымен келді. IAAR — Еуропалық сапаны қамтамасыз ету тізілімінің (EQAR) мүшесі және Жоғары білім берудегі сапаны қамтамасыз ету жөніндегі еуропалық қауымдастықтың (ENQA) толыққанды мүшесі.

Үш күн ішінде сарапшылар университет қызметін жан-жақты бағалады: стратегиялық басқарудан бастап, білім беру бағдарламаларының сапасы мен ғылыми-зерттеу экожүйесіне дейін.

Университет басшылығымен, профессорлық-оқытушылық құраммен, студенттермен, жұмыс берушілермен және түлектермен өткен кездесулер, оқу аудиториялары мен зертханаларға, негізгі құрылымдық бөлімшелерге жасалған сапарлар нәтижесінде комиссия университеттің ашықтығын, ПОҚ-ның жоғары кәсібилігін, студенттердің белсенділігін және ғылыми ортаның қарқынды дамуын атап өтті.

META University заманауи, ашық және халықаралық сапа стандарттарына бағдарланған жоғары оқу орны мәртебесін растайды!